Tuesday, May 26, 2009

El nacionalismu del sieglu XXI, I Xornaes Internacionalistes


UNA-mocedá organiza la so I Xornada Internacionalista dientro los actos que se tán faciendo n’Asturies pa conmemorar la declaración de soberanía de la Xunta Xeneral en 1808. Asina, col enfotu en remembrar tala fecha, esta organización entama una serie de charres en Candás y Xixón baxo’l lema “El nacionalismu del sieglu XXI”.

Nel 25 de mayu de 1808 la Xunta Xeneral d’Asturies supo rispir pol sentimientu d’esti pueblu declarándo-y la guerra al exércitu napoleónicu invasor por mandáu de la sociedá asturiana. Nel 25 de mayu, Asturies declaróse un país soberanu: creación del Exércitu Defensivu Asturianu, declaración de guerra a Francia, unvíu d’embaxadores a Inglaterra, poder llexislativu, creación de la bandera nacional,… UNA-mocedá nun quier dexar esos actos del nuestru pueblu nel escaezu y pa ello entama esta I Xornada Internacionalista que tien vocación de continuidá nel futuru .

UNA-Mocedá ye una organización política de mocedá asturiano que naz col envís d’avanzar nel camín entamáu va más de 30 años na construcción d’una Asturies socialmente xusta y nacionalmente llibre. La organización de mocedá declárase internacionalista y perende defende la so solidariedá pa con tolos pueblos del mundiu, poniendo enfotu coles naciones ensin Estáu y los países que tan siendo espoliaos.

La xornada va realizase nel local social d’UNA de Candás y nel local sindical de la CSI en Xixón. Na presentación de la I Xornada Internacionalista, en Candas (Carreño) 10:30 hores, el voceru de la estaya internacional d’UNA-mocedá va facer la presentación de les mesmes, pa dar pasu al candidatu de la UNA a les elecciones europees del 2009, Daniel Fernández Blanco.

Dempúes una charra-alderique baxo’l titulu . “El nacionalismu asturianu. Historia, presente y futuru” , onde’l músicu Xune Elipe y el filólogu Cesareo García van repasar el nacionalismu asturianu dende Conceyu Bable hasta anguaño. Dempués abriráse un alderique ente los asistentes.

María Pastora Cardona, directora del Comité Permanente de Defensa de los Derechos Humanos en Santander, integrante del Colectivu de Colombianos Refuxaos n‘Asturies va ser la encargada d’abrir la siguiente ponencia, “Colombia o el facismu en democracia”. Onde va esponer la situación socio-política na que vive’l país onde ye constante la persecución de sindicalistes, polos aparatos represivos del Estáu, pol fechu defender los intereses de los trabayadores. P’acabar, una espicha internacionalista onde van tar convidaos diferentes colectivos.

Pela tarde, nel local sindical de la CSI en Xixón, a les 17:30 hores, Raimundo Viejo Viñas, profesor de la Universitat Pompeu Fabrá de Barcelona va disertar sobre “Nacionalismos nel Estáu español. El nacionalismu catalan”. Raimundo Viejo ye Doctor en Ciencies Polítiques y de l’Alministración, na so charra va facer un recorríu de los nacionalismos esistentes nel Estáu español, centrando’l so discursu políticu nel casu catalán.

L’Asociación Asturiana d’Amigos del Pueblu Saharaui sedrán los encargaos de zarras esta xornada con una ponencia onde analizarán la situación socio-política na que s’alcuentra’l pueblu saharaui, col’l titulu “Sahara, un pueblu en llucha”.



http://unida.as/europees2009/el-nacionalismu-del-sieglu-xxi-i-xornaes-internacionalistes/#more-79




Mialma paez qu'estu vei en seriu.

Monday, May 11, 2009

LA BANDERA D'ASTURIAS



















SIN CRUZ, PERU CON ESTRELLA