¿Quien decide por nos?

Dende fai tiempu entendí que parte de las nuesas vidas van marcadas por decisiones políticas qu'afeutan direutamente al nuesu trabayu, a la nuesa formación, al sitiu ou podemos vivir, al nuesu entornu, a los servicios básicos cumu la sanidá, a la nuesa propia identidá como personas.

Estas decisiones modulan las sociedades, puen fader que desapaeza una l.lingua simplemente nun par de xeneraciónes, ya sin despeinase, simplemente con nun dexar falar la l.lingua materna na escuela ou na universidá ou nel trabayu pues casi asegurar que esa persona vei camudar o vei vese obligada a camudar la so l.lingua pola del sou entornu. Bon exemplu ye Asturias ya la so politica l.linguistica de pandereta pa l'asturianu. Quiciabes esa circunstancia, la circunstancia de falar una l.lingua de pequeno, cola tua familia, con los tous vecinos, nel colexo anque con dalgún capón ya dalguna frase de "habla bien" ya ver cumu a midida que veis saliendu del tou entorno veis viendo cumu, casi sin sentilo nunas decadas pues ser unicamente falante de castel.lanu foi la que me emburriou a intentar fader dalgu pa impedilo. Dalguien decidiu una politica l.linguistica n'Asturias que favorez esa circunstancia. Ese dalguien ye la Xunta Xeneral d'Asturias.

Las decisiones tomadas pola Xunta Xeneral d'Asturias ya los políticos que la forman nos últimos años tan creando un modelo de sociedá que tous podemos ver día a día tanto nas ciudades como nos pueblos, un modelu de sociedá abrasivo colos recursos naturales d'Asturias, un modelo de sociedá basau nel consumismo, inorando drechos de los ciudadanos, plantando nel mediu d'Asturias una fabrica de toxinas ya obviandu el reciclax selectivu, un modelu de sociedá ou por vivir nun pueblu veis tener menos servicios que por vivir na ciudá, un modelo de sociedá que destruye cualquier tipo de identidá asturiana, un modelu que fai d'Asturias un tarrén dominau pol PSOE ya IU, cumu bien siendu dende fai años.

Pa camudar eso, la única via ye la aiccion política activa na sociedá asturiana pa algamar un cambeu nos aspeutos fundamentales d'una socieda, aicción politica baxo un denominador común qu'axunte a tou aquel que se sienta asturianu, a tou aquel que nun tea d'alcuerdu cola politica l.linguistica, a tou aquel que nun tea d'alcuerdu cola construccion de la incineradora, a tou aquel que, cumu you, asista incredulo a los recortes na Conseyería d'Educación ya dempues sobren impresoras de Igrafo ou mesas d'Almacenes Pumarin, a tou aquel que seya victima de la nefasta politica industrial del gobiernu asturianu fadiendonos rehenes de la suvenciones, obligandu a marchar a la mocedá formada pa conseguir trabayu, despoblandu l'entornu rural,...


En 2011 pue haber una ferramienta pa conseguir una sociedá asturiana meyor.



http://unida.as/index.php/as/component/content/article/1-noticies/469-el-bloque-por-asturies-y-una-sellen-el-so-alcuerdu-electoral

http://www.lne.es/asturias/2011/02/02/rafael-palacios-encabezara-candidatura-conjunta-bloque-asturies/1028227.html