Monday, September 07, 2009

El Día d'Asturias


Mañana ye'l día d'Asturias ou mas bien, el dia que'n 1984 el gobiernin aprobou pa cellebralu, d'alcuerdu al cuadonguismu que predomina n'Asturias güei en dia, con misa, monedina de los periodicos cola cruz, etc, etc...

Esti día ia un pasin mas na normalizacion d'España n'Asturias, un pasin mas na desculturización, na marxinación de la identidá asturiana. Un pasin mas pa enseñar a los nenos qu'España naciu n'Asturias, colo cual dificilmente Asturias pue ser algo distintu a España. Un pasin mas pa asentar bien asentau los desfiles aereos de l'Exercitu Español en Xixon, pa dexar nidiu que anque haiga toponimia en tolos conceyos, l'asturianu ia una l.lingüa Minor, de segundu grau, pa falar nas l.lariegas ya pa que salga Ambás cola xente de mas de 60 años, ya que los menores apenas podemos conservar la nuesa fala cumu falamos antes.

Estí día d'Asturias, con misa solenme, ya conciertus de Miguel Rios, Lluz Casal ya la moza d'Alonso, grupos asturianos de pro, xunto con Tejedor, pa fader el paripe ya nun morrer de verguenza nel Día d'Asturias con grupos totalmente ayenos a la cultura asturiana, ia un bon reflexu de l'Asturias na que vivimos.

Esti día la FSA, con esta IU tan asturiana que ta gobernando que nun güel la Conseyeria de Cultura nin la de Mediu Ambiente nin pagando, vei dar un pasin mas hacia la desintegración d'Asturias, peru con la normalidá con que lo vien fadiendo fai años, seliquin, con calma, sin priesa, los nacionalismus dexandolos malvivir, cola confianza de tener a los medios de comunicación al serviciu de la FSA, a l'asturianu dando-y el Minor ya de milagru, los pueblos sin xente, tous pal centru. La politica mediu ambiental como Alemania, que prevee en 10 años tener casi el 100 % d'Enerxias renovables, casi, col Muselon, la regasificadora, Caleao, Incineradora,... ¿como podemos consentilo, pur muitas suvenciones que den?. Realmente ia un misterio la sociedá asturiana.

UNA vei fader una espicha pa tola militancia ya xente que quiera averase, cola intención de fader un puntu d'alcuentru, de falar, ya de seguir construyendu un partiu políticu nacionalista asturianu coherente, creible sin voces al aldu, sin independencias utopicas que solu chevan al oscurantismu del rechazu social, con una política nacionalista eficaz pa col mediu ambiente, pa cola cultura asturiana, pa colos trabayadores, con una política fiscal propia ya una capacidá de gobiernu que-y permita a Asturias xestionar los sos recursos naturales que tan importantes son nel nuesu país.

Tamien tará UNA-Mocedá, una propuesta pa la mocedá asturiana, una salida pola izquierda al comodismu social nel que viven los xovenes güei en dia, una propuesta crítica cola sociedá na que vivimos ensin mieu a dir de frente escontra el capitalismu, contra la mercantilizacion de la enseñanza col plan Bolonia,....


Tais tous convidaus, un culin ya un bocau teneislo de xuru.