Una mala Noticies

La mio evolución cola nuesa l.lingüa tien varias etapas, la primeira foi una etapa "inconsciente" nel pueblu ya que falaba con toa normalidá asturianu, anque con pallabras en castel.lanu, con la mio familia, los mios vecinos ya los mios compañeros nel C.P d'Abanceña, agora abandonau a las goteras. Nesa étapa nun valora unu falar n'asturianu peru ya notaba raru que me corrixeran al escribir pallabras que you dicía d'una manera pero que Don Jose Antonio, con dalgun capón, metia al castel.lanu poucu a poucu. Que bona metáfora de la realidá de la l.lingüa asturiana. La segunda etapa ye nel Colexu Publico d'Obanca, ou mezclabamonos tous los de los pueblos del Conceyu de Cangas a "socializanos" lo meyor que sabiamos fader, con deportes, deportes de contacto, etc, pero casi tous falabamos asturianu mas ou menos, cumu falabamos en casa vamos. Nesa época Don Pepe, mayestru d'asturianu, yera una cousa rara, ya depues nel instituto ou entamei a falar mas castel.lanu, ente outras cousas porque ningún profesor falaba asturianu ya la seleiccion estudiantil diba dexando a cada vez menos xente de pueblu que falara asturianu. L'asturianu yera dalgu sin importancia, dalgu insignificante.

En esas duas etapas, l'asturianu yera una cousa que se falaban nel pueblu ya que Don Pepe enseñaba, pero nun esistía nel mundu "normal", Panorama Regional yera en castel.lanu, los periódicos taban en castel.lanu, los profesores falaban en castel.lanu, el Un Dos Tres taba en castel.lanu, dibas al médicu ya falabate en castel.lanu, veías Barrio Sesamo taba en castel.lanu hasta Muzzy dicia "I'm muzzy" peru en llingua inglesa,las señales del pueblu taban en castel.lanu ya dician EL VALLE, ya nos venga dicir El Vache dalgunos pero los mas vieyos dicen ya dicían El Val.le. Nesas etapas nun conocía Les Noticies, el mundu real ya serio era en castel.lanu.

Asina viene pa Uviéu ya cola mio entonación occidental, lo típico de, si yera gallegu ya tal con xente de la zona centro.

(saltu temporal)

Asina un día descubrí a Les Noticies, la primer vegada que lu merquei ente la mio feroz castel.linización durante años ya la mio occidentalidá nun acababa de garrai el gustu, pero como trataba de temas que intesabanme fui fadiendome adictu a mercala los vienres siempre que m'alcordaba. Yera una cousa rara pa mi, información "normal", n'asturianu ya n'escritu, enxamas lu viera. Diba nel tren ya diba cola portada de Les Noticies cual arguyosu lector. Mercar Les Noticies na gasolinera en Cangas yera una rutina ya pa mi, los domingos de la que venía. Non siempre que mercaba Les Noticies alcontraba la temática que buscaba pero solu por l.leer n'asturianu la descripción de la realidá asturiana merecía la pena. Inclusu una vegada equivocannose ya publicanonme una reflesión bastante negativa sobre la inmovilidá de la FSA. Entruganbanme los colegas ¿"pero que lees"?, "¡Les Noticies ho!, un periódicu n'asturiano" Quedaban ablucaos.

Anueite, col pieche de Les Noticies, valtiose un icono de normalización de la nuesa l.lingüa, col consentimientu del gobiernu "asturianista de voy a Gibraltar a defender España" de FAC. Cualesquier gobiernu asturianu que quixera que continuará Les Noticies podía fadelu de mil maneres, con argumentos na Llei d'Uso, con argumentos de normalización l.lingüistica, buscandu un lobby audiovisual que sofitará a Les Noticies, etc. Si los grupos del parlamentu asturianu tuvieran el más mínimo interes en potenciar una industria audiovisual n'asturianu nun dexarían caer Les Noticies mientras que mal pagan a subcontratas pa fabricar productos mediocres en Madri pa la RTPA. Basta ver que personas escribían ya escriben nel último númberu pa dase cuenta de la importancia que tien Les Noticies pa vertebrar la realidá cultural, social, ya asturianista d'estí país. Valtiose una ponte ente la realidá ya la l.lingüa asturiana que tán separtadas tan nesta Asturies de cartelos de Rebaxes pero ninguneo de SNL ya de profesores d'asturianu.

Si hubiera siquiera un medio de comunicación escritu n'asturianu quiciabes la castel.lenización por sistema de la sociedá asturiana fora dalgu mas adulces, si nas barras de los bares hubiera un mediu escritu n'asturianu quiciabes la sangría de falantes de l.lingüa asturiana fora mas feble.

Les Noticies contribuyiu a que l'asturianu fora dalgu mas normal, dalgu mas renociu cumu l.lingüa pa informar, ensin fader la risa como la dudosa utilidá de Samba, contribuyiu a informar de la cultura en l.lingüa asturiana de cerca

Un retrocesu pa la l.lingüa asturiana, un retrocesu pal asturianismu....

pero...

ya sabemos tous los que tamos nesto que....

dar p'atras solu pa garrar mas puxu....