Monday, December 08, 2008

MENTIROSOS

Entrevista de Les Noticies a DIPUTÁU DEL GRUPU PARLAMENTARIU POPULAR NA XUNTA XENERAL del pasau vienres:

http://www.lesnoticies.com/


Na ponencia política del Congresu, qu'usté mesmu lleó, el puntu 18 referíase a la llingua asturiana en términos de que «la so creación artificial diba suponer una irresponsabilidá y un error de consecuencies imprevisibles»...

Lo que yo quería dicir na ponencia ye que n'Asturies la llingua nunca foi un problema, quier dicise, siempre se trato con muncha normalidá, non como n'otros sitios onde tán xugando a dar vuelta a la tortiella, como por exemplu en Cataluña, onde'l catalán tuvo prohibiíu y perseguíu a lo llargo de 40 años y agora intenten persiguir el castellanu. Nesti sentíu n'Asturies vivióse mui bien, nunca hubo tensión llingüística nenguna y la xente fala lo que quier. Nun hai qu'imponer nada a nadie nin crear conflictos o barreres ente los asturianos.L'asturianu ye un patrimoniu de tolos asturianos qu'hai que lu cuidar y defender. Agora bien, diba ser una irresponsabilidá descomanada que viniere daquíen y acabara con ello. Polo tanto lo qu'hai que facer ye comprender esi mensaxe, consiguir que la ciudadanía, de manera voluntaria, fale n'asturianu y defender el derechu d'aquellos que lu quieran usar, porque nosotros entendemos la llingua como un derechu y non como un deber. Somos contrarios a la imposición y a la oficialización porque consideramos que ye imponer a la xente coses que nun reclamen, pero tamién somos contrarios a que daquien cometa'l grave error de cargarse'l patrimoniu cultural que nos diferencia, o meyor dicho, que nos singulariza del restu de comunidaes autónomes. Son mui poques les que cuenten con una llingua propia. Soi un enamoráu de la llingua española y polo tanto préstame que los que tienen la so llingua propia la puedan utilizar tamién, porque l'idioma ye un vehículu de comunicación y precisamente ye eso lo que pretendía esplicar na ponencia.

--Pero cola actual Llei d'Usu y Promoción nun tán reconocíos los derechos de los y les falantes d'asturianu...
Hai una Llei d'Usu y Promoción que s'aprobó cuando gobernabemos nós onde l'asturianu, prácticamente, ye oficial. Lo que pasa ye que depués tán les voluntaes polítiques de desarrollar o non esa llei. Agora mesmo'l que-y pete pue usar la llingua y dirixise a cualquier alministración asturiana n'asturianu. Tamién se pue estudiar n'asturianu, escribir lliteratura asturiana, los anuncios nel Boletín del Principáu d'Asturies son billingües. Amás, tou aquel que quiera pue intervenir nel plenu d'un Conceyu o del Parllamentu n'asturianu. Tamos nun momentu onde la llingua nun ta prohibida nin hai restricción d'usu nenguna, pero lo qu'hai qu'intentar consiguir ye que cada vez más xente fale asturianu y asina cuando haya 20 diputaos que na Xunta Xeneral falen n'asturianu entós va falase asturianu y cuando haya 20.000 ciudadanos que se dirixan al so Conceyu n'asturianu se-yos va responder n'asturianu. El problema nun ye lo que nun se pue facer, sinon qu'ente toos hai que consiguir que se fale más, pero sinon se fala tampoco va pasar nada.



DEMPUES D'ESTU QUE CREDIBILIDÁ TIEN EL PP ASTURIANU???

CERO.


Pur favor señores del PP y de asturies lliberal nun empuerquen mas la llucha pola oficialidá colas suas pallabras y mentiras.

1 comment:

El xanu'l caborniu said...

Dos cosiquines. La primera, pámique foi esi señor el que dixo que los falantes d'asturianu nun se comuniquen (cuestión que fiede a nazismu que tira p'atrás). La segunda esos de lliberales nun tienen nada, son ultraconservadores (tol día aponderando a la COPE o al rau de les sotanes).
Un saludu