Con fabas ya sidrina nun fai falta gasolina: Si sos Asturianista ¿a quien veis votar?

Nun nos dexemos engañar PSOE ya PP son partius que NON defienden los intereses d'Asturies d'una forma independiente d'España.

Ignaciu Llope afirma que la meyor forma de que PSOE, PP ya IU asuman la “llingua y la cultura asturianes y la condición nacional d’Asturies ye la medría d’UNIDÁ”.

Lali García diz que los asturianistes yá tienen n’UNIDÁ, una fuercia plural que representa el votu útil asturianu.
Énte les afirmaciones de Gabino de Lorenzo nes que pidía’l votu esta fin de selmana “a los asturianistas, aunque sean de izquierdas” y afitaba que “este país [refiriéndose a Asturies] va a ser defendido”, los cabezaleros de llista d’UNIDÁ al Congresu y al Senáu retrucaron esta mañana a unes afirmaciones que consideren oportunistes y electoralistes.

Ignaciu Llope, candidatu d’UNIDÁ al Senáu, afirmó que “como se tien demostrao historicamente, la medría de fuercies que nun tean sometíes a la obediencia estatal ye la única garantía de que los partíos estatales asuman les propuestes d’identidá”. Llope señaló que “la conversión cosmética d’IU al asturianismu precipitóse por la entrada nel parlamentu asturianu nos años 90 de Coalición Asturiana y el PP y el PSOE, igual qu’IU, namás van tomar en serio la llingua y la cultura asturianes si UNIDÁ ye a ampliar la so base social y el so númberu de votantes”. Poro, afitó Llope, “el votu útil asturianu ye’l votu a UNIDÁ”.

Lali Garcia, cabeza de llista al Congresu, recordó qu’UNIDÁ ye una coalición plural, que representa a amplios sectores tanto del asturianismu históricu como de la izquierda alternativa, el nacionalismu asturianu y l’independentismu “que fiximos un esfuerciu por presentar una propuesta unitaria nunes eleiciones mui abegoses pa nós, pero nes que se tien que visualizar qu’hai una fuercia que piensa en clave de país”. Poro, “el votu útil asturianu, nun pue dir al PP, que yá sabemos lo que representa por muncho que Gabino faiga por arrincar votos d’au sía a ello en tiempu electoral a traviés de proclames electoralistes y oportunistes, nin a nenguna otra fuercia estatal, como PSOE, que tien una postura directamente etnocida, o IU, pa la qu’esti tema ye menor dafechu y apárcalu en cuantes, como se vio na negociación del pauto de gobiernu, nel qu’IU ya renunciara a exixir al PSOE cualquier apasu alantre nel campu identitariu.